A casa da muller

A finais de xullo rematou a primeira promoción de neneiras que tivo lugar na Casa da Muller, a nosa sede en Addís. Foron 20 mulleres, moitas delas procedentes do fogar de acollida para mulleres víctimas do maltrato. Mulleres de tódalas idades, que viron neste curso unha posibilidade de aprender un oficio que lles permita sair do paro-pobreza e lles abra unha porta ao mercado laboral, ou sexa, unha independencia económica.
Despois deste curso, do que saen cun título avalado, irán facer prácticas a distintos orfanatos e colocaráselles como neneiras en fogares con crianzas e nenos pequenos.
Neste proxecto colaboramos con TTTM, unha ong etíope encarregada da loxística dos cursos. É a mesma ong que leva a única casa refuxio para mulleres maltratadas que hai en Addís.
Do interese que teña TTTM na continuidade dos cursos dependerá o futuro da nosa Casa da Muller.
Actualmente estamos a agardar novas súas, tanto a nivel contable coma loxístico.